كلمات قصيدة ربنا نجاك فارس قطريه
الكلب اللي امبارح عضك
وسنانه في ضهرك محفورة
مش ممكن يبقي أليف ابداً
ولا ينفع يقلب عصفورة
الناس برضو مابتتغيرش
والندل بيفضل ديماً ندل
إياك تفردله ايديك ابداً
علشان هتجيلك مكسورة
اللي امنتله مره وخانك إياك ترجعله ولو هتموت
الحب جميل لاكن كداب ولا بيشبع ولا يبني بيوت
لما بتتهان من حد عزيز وتسيبه دي مش قسوه في قلبك
دي اسمها بتحافظ علي نفسك وبتبني حياة با أساس مظبوط
كُلنا مرضي وعندنا حكايات
مركونة في نحية ما بنقولهاش
عندنا حورات، وصور، وآهات
واغاني صحابها مقدروناش
المُحزن في الموضوع فعلاً
اننا قدرنا اللي كسرنا
والمضحك في الموضوع فعلاً
ان احنا عرفنا وما وقفناش
معمولك عمل انك تفضل واقف
مستني اللي ما بيجيش
يابني اتحرك، مش هتحرك
يابني اتحرك، اصله ما عذنيش
ما يروح الله يسهل حاله
ومشاكلة واسمه وعنوانه
خليك تتنيل تبقي تمام
وتكمل عمرك وتعيش
الواحد يزعل علي انسان كان فعلاً بيحبه و وياه
يزعل علي واحد باع الكون واعتزل الناس واستني معاه
انما يزعل علشان واحد دُقه من كُل اللي يخوف
ياخي بركة ان الواحد بيعيش وبينسي وبالوقت هتنساه
سبحان الله اللي بيجبر
وبيبني اللي الناس بتهده
بتلاقي العبد خلاص يائس
وايادي الله فجئه تشده
تجبر بالخاطر وتراضي
وتلم المتكسر جواك
لو جرحك قد الشرقية
رحمة ربنا قدره تسده
لو كان فيه الخير كان يبقي معاك
انما والله مكان خير ليك
لو كان ربنا قسمة في رزقك
مش جايز كان يفضل يأذيك
اوقات تتمني حاجات حلوه
وتفضل تدعي وتدعي وتدعي
وعشان ربنا عالم ورحيم
يرزقك الحاجة اللي تليق بيك
انت مقصرتش ولا معيوب انت الكسبان
وهتزعل اه، وهتتعب اه، وهتيائس اه
اصلك انسان
والوقت هيجري وهينسيك
وتلاقي معاك اللي يصونك
وهتفرح بالعوض الطيب
وتقوله يارب انا مش زعلان
ربنا لما بياخد حاجة بيجيب بعدها حاجة تكمل
خد منك خوفك وتعاستك علشان يديك افراح وامان
تزعل علي مين صلي علي النبي ربنا نجاك
علمك انك لازم تعقل وتنقي اللي يمكل وياك
تختار ابو قلب نضيف وخفيف ويحبك فعلا ويصونك
وتسيب اللي بيكسر خاطرك وبيستعماك
ربنا نجاك
البني ادمين بقو زي الطين وما يتعشروش
لو ضهرك مال يتلمو عليك ويغموا عينيك
ومابيسموش
وعشان ربنا عارفك غلبان وملكش دراع تسند عودك
كان هو اللي بيسند عودك
ويشيل الناس عنك ويحوش
مع انك مش احسن حاجة
وبتنسي ساعات ومتفتكروش
في ابقي افتكره
Comments
Post a Comment