كلمات قصيدة ابويا فارس قطريه

 قالوا في الأب إنه الضهر

والحيطة اللي شايلة البيت

وأنا قولت أبويا يعني سند العمر

يعني الإيدين الخشنة

والضهر اللي ما يملش

يعني إللي بيشيلك

في وقت الناس ما بتشلش

يعني إللى عوده يميل ولا يسيبك تميلش

و تتعكز عليه ولا تخاف

حنان أمك يبان أكتر فتكتب عنه وتزود

وهو حنانه مداري بيظهر بس مش متشاف

وقت أمك ما تغرف لك يبقى الأكل

تغطيك أمك إن تبرد فبيقى لحاف

تشوف في عنيه زمن وحياة وأيام عاشها علشانك

ويتبهدل من الدنيا وياخد ضربها مكانك

بتزعل لما يقسى عليك عشان ما تدوقش من مُره

وراحته تروح عشان راحتك ويدبل عمره في زمانك

أبويا كفوف تشيل ما تميل

أبويا السيرة والتفاصيل

أبويا الضهر من الأيام

وحب حقيقي دول تمثييل

أبويا قلب هادي جميل

بوش عجوز وشكل شباب

أبويا إن غاب تغيب الشمس

وبتنا يبات بدون الباب

حلوة الأيام وأنا بتحامى في ضهرك من الجاي

بتباهي بإنك من دمي وبشوفك وسط الناس هيبة

بتعلم منك أكون إنسان وإن إحنا ما بطلناش عيبة

قسوة وحنية في نفس الوقت

وبحور بتفيض جبر وطيبة ط

وحاجات أكبر من كونها حاجات

مين يعني يحبك تبقى أحسن منه

غير أبوك بالذات

أطيب قلب في العالم وشيال الحمول عنك

يا نور دايما في قلب البيت رضاه بيدخل الجنة

يا حاجة مخلية الدنيا أمان وسلام وفيها براح

يا وش بشوفه كل صباح وصوت في القلب ليه رنة

أبويا الإيد إللى في ضهري

وعارف إنها دايما ساندة

أنا أبويا الشخص إللى لما أحتاج

ييجي لي لوحده بدون ما أنده

مسمار الضهر ونور العين

سيد كل الناس وحبيب الكل

أنا أبويا يطل الدنيا بخير

والحاجة تفك إن كات عاندة

في إيديك عديت أول شارع

بعنيك بصيت على الناس في أمان

من عمرك عشت أجمل أيام

وبسيرتك بأمشي في أي مكان

بتقف لك كل الناس تقدير

وتشلني الناس تقدير لجلك

عيني ما تنزلش لأيا ًكان

تنزلك لوحدك ولأجلك

ربنا ما ينزل عينا لحد

موجود وسطينا هالجألك فالدنيا تمام

ربنا يا ابويا  يديمك عكاز ويطول حسك في الأيام

وعجبي