كلمات قصيدة لو عاد معتذرا فارس قطريه
لو عاد معتذراً بيقول انا غلطان
و سامحنى من فضلك و اديك عينيا ضمان
خلينا نرجع سوا ونبقى تمام و نعيش
من بعد ما سيبتك قلبى الحزين حيران
و حيات كتاب الله لو روحى كانت وياه
ما هقضي ثانيه معاه ولا يبقى فيه غفران
خليك بقى معاهم مش عوضوك عنى
انا اهو خلاص ماشى و ارتحت من ذنى
لا هكلمك ياما ولا هبقى تقل عليك
و يارب تبقى تمام مبسوط ومتهنّى
انا مستاهلش اتساب ولا اكون ضحيه حد
لو فاكر ان انا باب فـ الباب خلاص اتسد
لو سيبتنى بكيفك يبقى إلى جاى كيفي
فـ العادى انا حنين بس قاسى وقت الجد
خلص الرصيد يا بعيد ومعدش في يكفي
استحملك وارضيك وامد لك كَفىّ
ياخى ده انت اكتر حد انا كنت باقى عليه
و انت الوحيد ف الناس حبيت تسيب صفىّ
خلى الحساب يجمع و يزيد عليك قسوتي
و هيجي وقت اكيد هنراجعه و نصفى
.. و لحد هذا الوقت
اشبع بناس شبهك ف الشكل و العلّه
قضى إلى جاى كله مع لمه الشلّه
اضحك عليا كمان
واحكيلهم انى جبان
واكدب و زيد كدبك ردى عليك قلّه
انا مستاهلش اتساب على كيفك الطايش
الحب يا ابن الناس مش حرب ولا ذلّه
و الحزن علي الفايت نقصان في عقل و دين
الناس بتنسى الناس و بيفضلوا عايشيين
وإن كان على النحنحه والاشتياق والحب
هنحب من تانى وهنقضى احلى سنين
العشره مش بتهون غير على اللى مترباش
و بناقص العلاقات مع حد ميصونهاش
بتقول لى انا هبعد وان انت مش مرتاح
شوفلك مقاس أوسع هيريحك و خلاص
انا كنت فاكرك تقيل و ضربتك توجع
الضربه جت منك خايبه وعيارك طاش
الله يسامح بقى قلبى اللى خلانى
اعشق مرار الشقى واروح له من تانى
نادّرٍ عليا ياليل م هاحب عمياني
وكفايا قله آدب و كلام ملوش معنى
اهو ربنا اللى اختار يبعدني عن عُقدك
زى ما كان مختار با ارادته يجمعنا
انا قولت له انى شاريك بطل تكون بيّاع
ام رد قالي أمشى و بلاش صداع وبتاع
فى نوع من الأشخاص لو تكرمه يهينك
كيفه انه يتعامل بمعامله الاتباع
لو عاد معتذراً
بيقول انا غلطان
و سامحنى من فضلك
واديك عينيا ضمان
خلينا نرجع سوا
ونبقى تمام و نعيش
من بعد ما سيبتك قلبى الحزين حيران
و حيات كتاب الله
لو روحى كانت وياه
ما هقضي ثانيه معاه
ولا يبقى فيه غفران
وعجبي
Comments
Post a Comment