كلمات قصيدة لشخص ما فارس قطريه

 عاوز أقولك إني تمام

وإني ماموتش بعد غيابك

وأنك علمتني إني أكبر

روح ربنا يحميك لشبابك.

كنت صغير لما اتعلق

بمشي أوزع حب وطيبة

يلا خلاص روح زي ما جيت

ومترجعش إن قلبك جابك.

ده أنا لو أعمي كنت هشوف

إنك مش حد أتونس بيه

كنت هحس إنك مش ده

اللي أفتح له قلبس يعشش فيه

كنت هفكر، كنت هقرر.

كنت هقصَر سكة طويلة

بس ساعات قلبك بيجازف

ويوديك علي شيء مش ليك

الإنسان ده غريب واللّٰهِ

بيمسك ايد اللي يبكيه.

هو الحزن اللي بيلحقناوبيفوقنا

بيضحكنا بعد ما نبعد

وبيدبحنا في وقت فراقنا

زيك ناس بتهد المبني

وزينا ناس بيشيلوا عيوبكم

بس عينكم فاضة قلوبكم

انتوا كدبتم واحنا صدقنا

يعني هموت

لو صُنت كرامتي وقلبي حكمته؟

قلبي هزمني، منعني إني أبعد

انت بعدت شتمته، هزمته

بعد غيابك في كام ليلة صحيتهم فعلاً

بس مقرر

أن الحب اللي أنا حبيته قتلني

حكمت عليه وأعدمته.

أعرف ناس

واتباهي بأنك صاحب لمة

وليك موردين

وإني مجرد يوم من عمكر جِه

والعمر شهور وسنين

في أشخاص لما بنديهم

حجم زيادة و ود زيادة

بيطلعوا في قلوبنا عيوبهم

ويفرقعوا زي البلالين

مبتنفعش !

يا أخي ده لو أنن رجوعك روحي

أموت وارتاح وأنت مترجعش

جرحك فات جوايا سنين

فعلاً باين أثره في كتفي

بس خلاص ماتت أيمه

وجرح الميت مبيوجعش.

كنت اتعور وأرجع تاني

وكنت استاهل تاني اتعور

لما مشفتش فيك الفرحة

فضلت أدور

كنت بتمشي وترجع تاني

فأقول لك أهلاً بيك ومنوّر

فأنت طبيعي

تحس بأني مجرد سور

علي حتة أرض

قبل ماتمسي اديتك قلبي 

ةيجي خمسين او مية طرت أصفر

فأنا مرتاح دلوقتب وهادي

وأنا بديلك كارت الطرد.

قولي له ياست يا وعظي علي الكوبليه ده.

"اتغيّرت شوية شوية، اتغيّرت ومش بإيديا 

وبديت اطوي حنيني اليك وأكره ضعفي وصبري عليك

واخترت ابعد .. وعرفت اعند .. حتي الهجر قدرت عليه

شوفت القسوة بتعمل ايه؟

قولي له ياست، كل ده كان ليه!

كانت عارفة قلوب الناس اللّٰه يرحمها

كانت عايزة حد تروح له يشيل ويأني

غنت للعشاق خلتهم يتجوزا ويحبوا عيشتهم

كامت ناصحة وماتت عانس

وعجبي