كلمات قصيدة ما يمكن خير فارس قطريه

ما يمكن خير

ما يمكن كل أحزانك هتتبدل وتصبح غير

تضيق وتضيق وتستحكم عشان تُفرج بأمر الله

وربك عالم النية وعالم بالسلوك والسير

تعبت كتير .. وايه يعني

وهي الدنيا ايه غير همّ

ولو كان اللي فات تجريح

اكيد الجاي سعادة يا عم 

بلاش تزعل علي اللي رماك

وركز في اللي لسة معاك

يغوروا في ألف داهية هناك 

بلا اشتغالات وحرقة دم 

تعبنا محايلة ومسايسة 

وطبطبنا .. ومعجبناش

وياما ادينا بأدينا وبعنينا 

! ومأخدناش

وايه كان يغصب الواحد

 علي الهم اللي كان شايله

هنفضل ف المقام غاليين 

ولو مع مين .. مايشغلناش 

هتطرح تاني وهتخضر 

ونلقى' الفرحة ترضينا 

عشان النية خير لله 

مفيش مكروه هيحنينا 

وسبحانك يارب الناس 

يا واقف جمب كل الناس 

يا عالم باللي ف قلوبنا

وعارفنا نضاف .. فاتحميِنا 

لقلبٍ فيه أحزانٌ وأهلكه الأسى' صبرا 

سيأتي كل ما تبغى' 

وتلقى' فرحةً كُبرى' 

خُلقنا في الأسى' نمشي 

ولكن لم نَمِل يوماً 

قريباً سوف نرتاحُ 

ويصبح كسرُنا جبرا 

لعينٍ أُهلِكتْ دمعاً 

وكان القهر يُضنيها

سَيُصبحُ دمعها ذِكرى' 

وعوض الله يُرضيها 

وإن كانت بكتْ يوماً 

علي الحُزنِ الذي فاتَ 

سيأتي عليها أيامٌ 

وچبرُ الله يُبكيها 

مفيش حاجه انت بتسبها

وليك فيها نصيب باقي 

ولو سابك عزيز ع القلب

تأكد انه مش باقي

لا زعلك ع اللي فات منك 

يرجعلك حاجات راحت 

ولا هتموت إذا غابوا 

وأديك يا أصيل تعبت كتير 

وأديهم شبعوا قاموا .. سابوا

وعادي الدنيا بتكمل 

وفيها كتير فـ شوف حالك

هتتعب تاني وتعاني 

ولسه الدنيا شيلالك

فـ خلي يقينك الدايم 

في رحمة ربك الدايم 

خلي يقينك الدايم في رحمه ربك الدايم 

وزي ماشوفت حزن كتير 

هتلقى' الفرحة .. جيالك 

بقالك مُدة مش مظبوط .. ومتضايق 

وكنت يا واد متحسبهاش 

لو الدنيا تبوظ .. رايق 

وبالك عمره ما اتعكر 

ولا تفكر ولا بتحسب 

ف مين قال ايه ومين عمل ايه 

ومين نايم ومين فايق 

زيادة نعمة الاحساس 

يخليك تتهلك بدري 

بتتأثر با اي كلام 

وتزعل بس مع حالك

وعلشان متعاتبش كتير 

فـ تطلع في العيون شكاي 

بتعمل شاي وتبقي وحيد

 عشان الوحدة أحلالك 

وكنت زمان ف اي مكان 

بتخلق بهجة وسعادة 

ودلوقتي انت شخص كئيب 

منين الهمّ ده جالك !

وليه زعلان .. وليه تعبان 

ياعم يغوروا بعيوبهم 

يغوروا بكل مافيهم 

وبالقسوة اللي ف قلوبهم 

ولا يهزك كلام متقال 

ومهما اتقال فـ برضو كلام 

تخليك انت بأصولك 

وهُما يعيشوا بذنوبهم 

مش لايق عليك الهمّ 

وعُمرك لسه ف الأول 

وان شاء الله الزعل هيزول 

وتبدأ تاني من الأول 

ان شاءالله الزعل هيزول 

وتبدأ تاني من الأول 

ولو كان اللي فات تجريح 

وكله هموم ومش عجبك

فـ كل الجاي بأمر الله جميل

 .. والفرح هيطوّل 

وعجبي